Offline, последняя активность Сегодня 21:43:45 Android
102 |
291 |
0 |
|
|
| друзья |
подписчики |
изменения |
скрывающие |
скрытые |
Кого добавил в друзья и на кого подписался Алексей Галузин. Новые подписчики.
Обновляем изменения в друзьях...
Теперь изменения в списке друзей будут отслеживаться. Каждый раз при посещении этой страницы будет происходить повторная проверка.
Для оперативного получения новой информации добавьте эту страницу в закладки. (На компьютере Ctrl+D)
"Бур удж да гаж", - сиисны этнофорум восьтысьяс. Луныс сідз и коли: кыпыда да топыда. Уна пасйӧд вӧчи подув кывнымлы сиӧм доклад дырйи, кажитчис ӧтувтӧм бӧрас Перым муын олысьяслӧн аскылӧм серти туялӧмыс, ачым висьтаси гижысьяслӧн площадка дырйи. Бура тыдовтчис - литература олӧм серти Коми Республикаын уджыс пуктӧма вылыс тшупӧд вылын, Культура да Национальнӧй политика министерство гӧгӧрвоӧны гижӧда кывлысь вынсӧ да коланлунсӧ, быд пӧрйӧ отсасьӧны, кар-районъясын библиотекаяс быд ногыс кыскӧны йӧзсӧ небӧг дінас, гижысьяслы эм, кыдзи петкӧдчыны творчествонас: йӧзӧдчыны журналъясын, ӧтув сборникъясын, пырӧдчыны фестивальясӧ, конкурсъясӧ, аддзысьлыны лыддьысьысьяскӧд. Миян эм асланым литературнӧй премияяс, нуӧдсьӧны семинаръяс, томъяскӧд удж, эм некымын литература котыртчӧм. Уна на позьӧ лыддьӧдлыны. Чайта, медыджыд пайыс тані мортлӧн, коді матӧ 27 во веськӧдліс котырӧн, Елена Васильевна Козловалӧн. Перым-коми гижысьяслы та серти ёна сьӧкыд.
Ыджыд копыр вӧчи Михаил Егорович Мартыновлы, ас му туялысьлы. Миян асланым краеведъяс моз тшӧтш пуктӧ став вынсӧ, кадсӧ сьӧмсӧ небӧг лэдзӧм вылӧ. Бур, мый татшӧм йӧзыс чужӧны свет вылас. Чужӧны на. Тані петкӧдлі и "Коми йӧзӧдчан керкалысь" уджтас - финн-угор культураӧн тӧдмӧдан лист бокъяс. Козьналі шӧринӧ.
Босьті аслым козин - Павел Здорнов шань зонкаӧн вӧчӧм акань, аски кӧсйис велӧдны ас киӧн гартны. Тӧдмаси уна бур йӧзкӧд, кызвынсӧ, гижысьяскӧд да Перым-коми шӧринын уджалысьяскӧд, библиотекаръяскӧд.
Ирина Дульцевакӧд да
Алексей Галузинкӧд быттьӧ нэмсӧ тӧдсаӧсь вӧлім. Нимкодь вӧлі аддзыны ас мортӧс, кӧть и пермяк эськӧ, но дзик миян,
Вася Епановӧс, а сідзжӧ
Маршаковкаӧ волӧмсянь мусмӧм Любовь Косоваӧс да Анастасия Хорошеваӧс.
Асланыс писькӧслуннас чуймӧдісны челядь "Би кинькӧд" аддзысьлӧм дырйи, сэки жӧ шензи - тані лэдзӧны "Бичирок" журнал, а кыкнанныс вуджӧдчӧ Искоркаӧн. Тадз на овлӧ.
Рытнас лыдди кывбуръяс улича вылын, а сьылан котыръяс сэки жӧ гажӧдісны йӧзсӧ мыла сьыланнаныс. А, да, пажнайтім уличаас жӧ. Кажитчис.
Коми кыв велӧдӧм серти кӧ, гӧгӧрвои тадз: велӧдӧны часӧн вежоннас, тшӧкыда факультативнӧя. Колӧ эськӧ, мед медводз школаясыс бать-мамкӧд ӧтув вежасны ассьыныс видзӧдлассӧ та серти, ладмӧдасны велӧдан программаяс, позянлуныс эм.
Рытнас уджъёртъяскӧд бура уна сёрнитім-пӧжим талунъясӧ, тӧрытъясӧ, аскиасӧ. Быттьӧ и ставыс миян киын, но ӧд абу тай дзик сідз. Но олам, старайтчам уджавны, бур вылӧ. Тыртам асьнымӧс ветліг-мунігъясӧ, мед унджык да бурджыка на вӧчны. Ас муын ас йӧзлы.
